Hitz kolpez​

 

Hitz Kolpez interbentzio sozialeko antzezlan proiektu bat da, bi proposamen original eta zorrotzetan gauzatzen dena. Lehenengoan, zeina gazteen gelan bertan egiten den, haien lurraldearen mugak zeharkatu eta ikasgelan sartzen gara, aldez aurretik abisatu gabe, egunero indarkeria gertatzen eta bizitzen den leku berean istorioa kontatzeko. Bigarren proposamenean, aldiz, publiko gaztea gure kontestura erakartzen dugu, espektakulu bat ikusiko dutelakoan, baina bertan ez dute eserlekurik hartuko, baizik eta eszenatokian konturatu gabe barneratu, istorioan murgildu eta bere protagonista bihurtuko dira.

 

Antzerkiaren bidez, gure helburu nagusia gazteriak kontzientzia hartzea da; antzerkia, arte-hizkuntza eta kultura-adierazpen gisa ulertuta, pertsonen espiritu kritikoa garatzeko lagun dezakegula uste baitugu; behin kontzientzia hartuta, jokabideak eraldatu eta gizarte berdinzaleago batera bultza gaitzakeelako.

Bizitza propioa duen proiektu bat da hau, testuinguru berrietara eta espazio desberdinetara egokitzeko gai dena: hala nola, institutu bateko gelan edo antzoki bateko eszenatokian gauzatu daitekeena. Hala ere, hartzen duen formaz haraindi, bere esangura berbera da. Errealitate gordin baten aurrean, genero-indarkeriaren aurrean, begiak zabaltzeko mundura etorri den proiektua; eta sustrai beretik jaio dena: injustizia horren aurrean hitz kolpez borrokatzeko gogoa.